Michael Keaton နဲ့ Jenna Ortega တို့ရဲ့ Beetlejuice 2 ကို ၂၀၂၄ မှာ ပြသမယ်

ပုံစာ (ဝဲမှယာ) - Beetlejuice 2 မှာ ပါဝင်သွားမယ့် Michael Keaton, Winona Ryder, Jenna Ortega

Michael Keaton နဲ့ Jenna Ortega တို့ရဲ့ Beetlejuice 2 ကို ၂၀၂၄ မှာ ပြသမယ်

မေ ၁၀၊ ၂၀၂၃။

◼ ၁၉၈၈ က ထွက်လာခဲ့တဲ့ ဒါရိုက်တာ Tim Burton ရဲ့ comedy-horror ရုပ်ရှင် Beetlejuice ဟာ နောက်ထပ် sequel တစ်ခု ထပ်မံထွက်ရှိလာဦးမှာဖြစ်ပါတယ်။

◼ ဒီကနေ့မှာတော့ Warner Bros. က Beetlejuice 2 ကို ၂၀၂၄ မှာ ပြသဖို့ရည်ရွယ်ထားကြောင်း တရားဝင်အတည်ပြုလာခဲ့ပြီဖြစ်ပါတယ်။ Beetlejuice 2 ကို စက်တင်ဘာ ၆၊ ၂၀၂၄ မှာ ရုံတင်ပြသမှာဖြစ်ကြောင်း WarnerBros. က အတည်ပြုလာခဲ့တာပါ။ ဒါ့အပြင် အဲဒီနေ့မှာပဲ MCU Marvel ရုပ်ရှင် Blade ကို ရုံတင်ပြသမှာဖြစ်တဲ့အတွက် Beetlejuice 2 နဲ့ Blade ကို တစ်ရက်တည်းမှာအပြိုင်ရုံတင်တာကိုတွေ့ရမှာဖြစ်ပါတယ်။

◼ ပထမ Beetlejuice ရဲ့ ဇာတ်လမ်းသဘောကတော့ သေဆုံးပြီးဝိညာဥ်ဖြစ်သွားတဲ့ဇနီးမောင်နှံဟာ ၎င်းတို့အိမ်ကိုရောက်ရှိလာတဲ့မိသားစုတွေကိုခြောက်လှန့်ဖို့အတွက် Beetlejuice ဆိုတဲ့ သရဲတစ်ကောင်ကိုငှားရမ်းပြီးခြောက်လှန့်ခိုင်းတဲ့အကြောင်းကိုပြသထားတာပါ။ Beetlejuice 2 မှာ Michael Keaton က Beetlejuice အဖြစ်၊ Winona Ryder က Lydia Deetz အဖြစ် ပြန်လည်ပါဝင်လာသလို Wednesday သရုပ်ဆောင် Jenna Ortega ကိုလည်း Lydia Deetz ရဲ့ သမီးအဖြစ် တွေ့ရဦးမှာဖြစ်ပါတယ်။

◼ Beetlejuice 2 ကို ဒါရိုက်တာ Tim Burton ကပဲ ဆက်လက်ရိုက်ကူးမှာဖြစ်ပြီး ဇာတ်ညွှန်းကိုတော့ Wednesday ဇာတ်ညွှန်းဆရာတွေဖြစ်တဲ့ Alfred Gough နဲ့ Miles Millar တို့က ရေးသားပေးမှာဖြစ်ပါတယ်။

◼ သရုပ်ဆောင် Brad Pitt ရဲ့ Plan B Production က Beetlejuice 2 ကို ရိုက်ကူးထုတ်လုပ်သွားမှာဖြစ်ပြီး ဒီကနေ့မှာပဲ လန်ဒန်မြို့မှာရိုက်ကူးရေးစတင်သွားဖွယ်ရှိပါတယ်။

Ref: Variety

McGarrett ရေးသည်။