Season 3 မှာ ဇာတ်သိမ်းမယ့် Sweet Tooth ဇာတ်လမ်းတွဲ

Season 3 မှာ ဇာတ်သိမ်းမယ့် Sweet Tooth ဇာတ်လမ်းတွဲ

မေ ၃၊ ၂၀၂၃။

◼ DC Comics ရဲ့ Sweet Tooth Comics ကို အခြေခံဖန်တီးထားတဲ့ Netflix ရဲ့ post-apocalyptic fantasy ဇာတ်လမ်းတွဲ Sweet Tooth ဟာ ပရိသတ်တွေကြားမှာအကြိုက်များတဲ့ဇာတ်လမ်းတွဲတစ်ခုဖြစ်ပြီး ပြီးခဲ့တဲ့ ဧပြီ ၂၇ ရက်နေ့မှာ Season 2 ထွက်လာခဲ့ပါတယ်။ 

◼ Sweet Tooth ဟာ ကပ်ရောဂါတစ်ခုကြောင့် ဖခင်ဖြစ်သူကိုဆုံးရှုံးရပြီး မိခင်ကိုလိုက်လံရှာဖွေတဲ့ ဆယ်နှစ်အရွယ် လူတစ်ပိုင်း-သမင်တစ်ပိုင်း ကလေးငယ်တစ်ယောက်ရဲ့စွန့်စားခန်းတွေအကြောင်းကို ရိုက်ကူးထားတာဖြစ်ပါတယ်။

◼ Netflix ဟာ Sweet Tooth ကို နောက်ထပ် Season 3 ထပ်မံထုတ်လုပ်ဦးမှာဖြစ်ပြီး Season 3 ဟာ Sweet Tooth ရဲ့ နောက်ဆုံး Season ဖြစ်ကြောင်း ဒီကနေ့မှာ ပိုစတာတစ်ခုနဲ့အတူ အတည်ပြုလာခဲ့ပါတယ်။

◼ Sweet Tooth Season 3 ဟာ အာတိတ်ဒေသဘက်ကိုဇာတ်လမ်းဆင်သွားမှာဖြစ်ပြီး Season 1 နဲ့ 2 မှာ မတွေ့ခဲ့ရတဲ့စွန့်စားခန်းတွေ၊ ဇာတ်လမ်းတွေကိုတွေ့ရမှာဖြစ်ကြောင်း Sweet Tooth ရဲ့ showrunner နဲ့ executive producer Jim Mickle က အတည်ပြုခဲ့ပါတယ်။

◼ လက်ရှိမှာ Sweet Tooth Season 3 ဟာ ရိုက်ကူးရေးပြီးဆုံးသွားပြီဖြစ်ပေမယ့် ပြသရက်ကိုတော့မသိရသေးပါဘူး။

Ref: Netflix

McGarrett ရေးသည်။