Series တစ်ခုထပ်ထွက်လာဦးမယ့် Gerard Butler ရဲ့ Fallen franchise

ပုံစာ - Paris Has Fallen မှာ အဓိကနေရာကနေ သရုပ်ဆောင်သွားမယ့် ပြင်သစ်သရုပ်ဆောင် Mathieu Kassovitz 

Series တစ်ခုထပ်ထွက်လာဦးမယ့် Gerard Butler ရဲ့ Fallen franchise

မေ ၁၅၊ ၂၀၂၃။

◼ မင်းသား Gerard Butler ရဲ့ နာမည်ကြီး Has Fallen franchise ကို ပရိသတ်အများစုက ကြည့်ဖူးကြမယ်လို့ထင်ပါတယ်။

◼ Has Fallen franchise မှာ Olympus Has Fallen, London Has Fallen နဲ့ Angel Has Fallen ဆိုပြီး ရုပ်ရှင်သုံးကားထွက်ရှိထားပါတယ်။ ယခုအခါမှာတော့ Has Fallen franchise ကနေ spin-off ဇာတ်လမ်းတွဲတစ်ခုဖြစ်တဲ့ Paris Has Fallen ဆိုတဲ့နာမည်နဲ့ ဇာတ်လမ်းတွဲတစ်ခုထွက်ရှိလာတော့မှာပါ။

◼ ပြင်သစ်နိုင်ငံခြားရေးဝန်ကြီးရဲ့လုံခြုံရေးအရာရှိတစ်ယောက်ဖြစ်တဲ့ Vincent ဟာ Jacobဆိုတဲ့လူဆိုးခေါင်းဆောင်ရဲ့ အကြမ်းဖက်မှုကနေကာကွယ်ဖို့အတွက် MI6 က Zara နဲ့ ပူးပေါင်းကြိုးစားကာကွယ်ရတဲ့ ဇာတ်လမ်းဖြစ်ပြီး လာမယ့် မေလ၃၀ရက်နေ့မှာ လန်ဒန်နဲ့ပါရီမြို့တို့မှာ ရိုက်ကူးရေးစတင်သွားမှာဖြစ်ပါတယ်။

◼ Paris Has Fallen ဇာတ်လမ်းတွဲကို ပြင်သစ် studioတစ်ခုဖြစ်တဲ့ StudioCanal ကနေ ထုတ်လုပ်သွားမှာဖြစ်ပြီး Vincent နေရာကနေ ပြင်သစ်သရုပ်ဆောင် Mathieu Kassovitz က ပါဝင်သရုပ်ဆောင်သွားမှာဖြစ်ပါတယ်။ သို့ပေမယ့် မင်းသားGerard Bulter အနေနဲ့ Paris Has Fallen မှာ အဓိကနေရာကနေ ပါဝင်မှာမဟုတ်ပေမယ့်လည်း cameo အနေနဲ့ တော့ ပါဝင်လာနိုင်ခြေရှိပါတယ်။

Ref: Deadline

Harry ရေးသည်။